Савол: - Ассалому алайкум! Жаноза намозида саловат билан жаноза дуосини фақат имом ўқийдими ёки хамма ўқийдими?

Жавоб:– Ва алайкум ассалом! Жанозада икки фарз бор. Бири тик туриш, иккинчиси имом тўрт такбир айтган вақтда қавм ҳам тўрт такбирни айтиши. Қолганлари суннат. Имом такбир айтганда муқтадийлар айтмаса ёки бирорта такбирни қолдиришса муқтадийлар намоз ўқимаган ҳисобланишади. Чунки улар зиммасига фарз бўлган амални бажаришмаган бўлишади. Жаноза намозида имом ва муқтадий ҳаммаси такбирни ҳам айтади ва дуоларни ҳам ўқийди. Валлоҳу аълам!

«Зикр аҳлидан сўранг» ҳайъати