Савол: - Ассалому алайкум! Ҳайвон расмлари яна сувенирлар бор хоналарда нима учун намоз ўқиш мумкин эмас? Анас саҳобадан ривоят, Расулуллоҳ соллаллоҳу алайҳи васаллам Мадинадан Маккага сафарга чиққанларида Минодан кейин кечаси нафл номозларини уловларини устиларида ўқиган экан. Тирик ҳайвон устида ўкиса ўтлаб турган туялар ёнида ўқиган бўлса,(саҳрода саҳобалар билан). Шу кўриниш хонадаги расмлар, сувенирлар ёнида намоз ўқиган ҳолат билан нима фарқи бор?

Жавоб: – Ва алайкум ассалом! Сиз жуда ақлли экансиз. Ҳайвон устида намоз ўқишнинг жоизлиги, Расулуллоҳ соллаллоҳу алайҳи васаллам шундай қилганликлари учундир. Ҳайкал ва сурат бор хонада намоз ўқиш жоиз эмаслиги Расулуллоҳ соллаллоҳу алайҳи васаллам қайтарганликлари учундир. Вафот топиб Расулуллоҳ соллаллоҳу алайҳи васалламга йўлиққанда нима учунлигини сўраб олаверасиз. Валлоҳу аълам!

«Зикр аҳлидан сўранг» ҳайъати