Савол: - Ассаламу алайкум шайх ҳазратлари. Биз Данияда таҳсил оламиз. Бу ерда турк биродарларимизнинг масжидига бориб турамиз. Улар ҳар доим аср намозидан олдин ва хуфтон намозидан олдин тўрт ракаат суннат намозини ўқишар экан. Бу ҳолат ҳақида тушунча берсангиз.

Жавоб: – Ва алайкум ассалом! Бу намозлар ҳақида «Мухтасари Виқоя» китобида ва унинг шарҳида қуйидагилар айтилган:Асрдан олдин тўрт ракъат, Хуфтондан олдин ва кейин тўрт ракъат маҳбубдир.Ибн Умар розияллоҳу анҳудан ривоят қилинади: «Пайғамбар соллаллоҳу алайҳи васаллам:
«Асрдан олдин тўрт ракъат намоз ўқиган одамни Аллоҳ раҳим қилсин», дедилар».
Абу Довуд ва Термизий ривоят қилган.Аммо бизда урф бўлмаган. Турк қардошларимизда урф бўлган.

Шайх Муҳаммад Содиқ Муҳаммад Юсуф роҳимаҳуллоҳ