Жорий йилнинг 07.03.2024 санасида Зарафшон шаҳар "Ёшлик" МФЙнинг 6-хонадон, 16-уйда келин салом маросими ўтказилди. Бу маросимда Зарафшон шаҳар бош отинойиси Л.Мутахарова "Оилада эркакнинг масъулияти 1-ўринда эканлиги, аёлининг эри олдидаги бурч ва вазифалари, оилани сирини кўчага олиб чиқмаслик кераклиги, иккала томон ҳам кечиримли бўлишлиги, сабрли бўлишлиги, Аллоҳ эркакларни аёлларга, аёлларни эрларига либос қилганлиги" тўғрисида хадис ва Қуръонлардан оятлар келтириб, мисоллар билан тушунчалар бериб маъруза қилди.
Жорий йилнинг 07.03.2024 санасида Зарафшон шаҳар "Алишер Навоий" МФЙнинг 22-хонадон, 31-уйда Шукрона дастурхони ёзилди. Ушбу маросимда Зарафшон шаҳар бош отинойиси Л.Мутахарова "Фарзандларимизни элу-юртга садоқатли, фидоий комил инсон қилиб тарбиялаш, хозирги кунда ёшларга яратиб берилаётган имкониятлар, шукроналикни хис қилишлари учун фарзандларимизга кўп вақт ажратишимиз кераклиги, исрофгарчиликни олдини олиш" тўғрисида йиғилган хотин қизларга маъруза қилди.
Кармана тумани "Гулобод" мфй да бугун 8- март халқаро хотин- қизлар байрами муносабати билан маҳалладаги ёши улуғ кекса онахонлар холидан хабар олиниб байрам совғалари улашилди.
Жорий йилнинг 9- март санасида
Учқудуқ туман "А.Навоий" мфй, 6- уй, 30- хонадонда яшовчи ижтимоий ҳимояга муҳтож оила Ҳамроева Гулчеҳрахонга хайру эҳсон қилинди.
Жорий йилнинг 9- март санасида Учқудуқ туман " Мустақиллик" мфй отинойиси З.Файзиева миллатлар аро хамжихатлик, соғлом турмуш тарзи, шукроналик хисси тўғрисида сухбатлашди
Навоий шаҳар Саҳоват деҳқон бозори ҳамда буюм бозори радио узелидан "РАМАЗОН ОЙЛАР СУЛТОН" ҳақида жума маърузаси ўқилди.
"Гулистон" МФЙ отинойиси Қўлдошева Сожида отинойи
Жорий йилнинг 9- март санасида Хатирчи тумани "Қушчинор" маҳалласида бир груҳ аёлларга давра суҳбати бўлиб ўтди. Аёлларга тазия маросимидаги биъдат, одамлар ва маросимларни Ханафий масхаби, Мотрудий таълимоти асосан исрофгарчиликсиз ўтказиш, динимизда бўлмаган бидъатлардан чекланиш ҳақида сухбат олиб борилди ҳамда Рамазон ойида ҳар бир киши қалбини поклаш, ўзаро хусумат ва гиналарни йуқотиш, қўни қушнилар билан қариндошлар орасида ёрдамга мўхтожларга мурувват кўрсатиш силаи раҳм қилиш, беморларни ҳолидан ҳабар олиш кераклиги ҳақида айтилди.
Қушчинор мфй отинойиси Пардаева Санобар.
Навбаҳор тумани Ўзбекистон маҳалласи Сармиш кўчасида яшовчи. 90 ёшли Қаим бобо қизи Шарбат онахонни 8-Март халқаро. хотин- қизлар куни муносабати билан муборакбод этиш онахондан дуо олишни ният қилиб туман бош имом хатибнинг хотин-қизлар масалалари бўйича ёрдамчиси С. Хушматова ва маҳалла хотин-қизлар фаоли С. Адизқуловалар онахонни ҳузурига бордилар. Муҳтарама онахон узоқ умр кўришни сири қалбан ва жисман поклик ва меҳнатсеварликда дедилар. Онахонимиз бошидан ўтказган турмуш қийинчиликларини бугунги кунимиздаги шарт-шароитлар билан солиштириб, уруш йилларини урушдан кейинги йиллардаги қийинчиликларни эслаб, мустақиллик йилларида мамлакатимизда амалга оширилаётган бунёдкорлик ишлари, турмушимиздаги маъмурчилик ҳақида шукроналик билан гапирдилар.
“ҲАЁТ БОҒИН ГУЛ АЙЛАГАН МУНИС АЁЛСИЗ”
Халқимизда азалдан гўзаллик тимсоли бўлган хотин-қизларимизга алоҳида ҳурмат кўрсатиб келинган. Аслида аёлни баҳорга қиёслашади. Чунки аёл ҳам баҳор каби ташриф буюрган масканларини гулга буркайди. Аёл бўлган давраларда нафислик, дилбарлик бор. 8 март Халқаро хотин-қизлар куни аёмининг айни баҳорнинг илк кунларида нишонланишида ҳам ана шундай ажиб ҳикмат бор.
Туманимиз аҳолисининг 50 фоизини хотин-қизлар ташкил этади. Айни пайтда улар жамиятнинг турли жабҳаларида меҳнат қилиб юртимиз тараққиётига ўзларининг муносиб ҳиссаларини қўшиб келишмоқда.
7 март куни туманимизда ташкил этилган тадбир “Ҳаёт боғин гул айланган мунис аёлсиз” деб номланди. Унда туманимизнинг ижтимоий-иқтисодий соҳалари ривожига муносиб ҳисса қўшган фаол хотин-қизларимиз бир пиёла чой устида дийдорлашишди.
Тадбирда туман ҳокими А.Ўроқов иштирок этиб, мўътабар онахонлар, мунис опа-сингилларимизни байрам муносабати билан самимий табриклади ҳамда бир қатор фаол хотин-қизлар туманимиз ривожига қўшган муносиб ҳиссаси ва самарали меҳнатлари учун эсдалик совғалари билан тақдирландилар.
Туман маданият бўлимининг “Навбаҳор тароналари" ашула ва рақс дастаси санъаткорларининг дилтортар тароналари даврага файз бағишлади.
Қизилтепа туман бош имом хатиби Завқиддин домло Орипов тумандаги “Қалъайи Азизон” жомеъ масжидига бориб табиий офат туфайли масжид том қисми шиферларига зарар етган экан масжид жамоаси билан учрашиб “Мазҳабимизни мустаҳкам сақлайлик” “Рамазон-муборак ой” мавзусида суҳбатлашилди.
https://t.me/Bastomiy_uz
ҲАШАР ЭЛГА ЯРАШАР
Конимех тумани Тўққизтепа маҳалласи "Қилич ота" жомеъ масжидида ҳудуд аҳолиси билан ободонлаштириш, кўкаламзорлаштириш ишлари олиб борилмоқда.
Конимех тумани ҳокимлиги
Ахборот хизмати
Ўзбекистон Республикасининг Бош вазири раҳбарлигида жорий йил 6 март куни ўтказилган Муборак Рамазон ойини муносиб ўтказишга тайёргарлик кўриш масалалари бўйича ўтказилган видеоселектор мажлисидаги топшириқлар ижросини таъминлаш мақсадида бугун Нурота туман ҳокими А.Файзиев, туман ИИБ раҳбари У.Абдуғаффоров, ДИБҚ туман вакили Ў.Каримов ва тумандаги масжидлар имом-хатиблари бошчилик Нурота Чашма зиёратгоҳида йиғилиш ўтказилди. Йиғилишда Рамазон ойининг саҳоват, бағрикенглик ва мурувват ойи эканлигини кенг аҳолига етказиш, таровеҳ намозлари, Қуръони Карим хатм қилинадиган жоме масжидлардан хавфсизлик талабларига риоя қилиш, кишиларни ибодатларини эмин-эркин адо этишлари учун керакли шароитларни яратиш, масжидларда кўкаламзорлаштириш ва ободончилик ишларини амалга ошириш ҳамда маҳаллалардаги моддий ёрдамга муҳтож, аҳолининг кам таъминланган қатламларига моддий ва маънавий кўмак беришда бевосита ва билвосита фаоллик кўрсатиш ва бошқа кўплаб муҳум вазифалар кун тартибида кўрилди.
Халқимиз учун эзгулик, меҳр-мурувват, саховат, олижаноблик ва шукроналик тимсоли бўлган муборак ойни муносиб кутиб олиш ва юқори савияда ўтказиш, диний-маърифий, маданий қадриятларимизни асраб-авайлаш ва улуғлаш мақсад қилинган ушбу йиғилишда мутасаддилар ҳисоботи тингланди.
ЎМИ Навоий вилоят вакиллиги
