Навбаҳор тумани "Учтут" маҳалласи "Кластир гуруҳи" пахта далаларидан "Қалқонота" маҳалласи отинойиси М. Каримова ва Ҳаловаттепа маҳалласи отинойиси Н. Қувондиқовалар ҳар бирлари 30 кг дан пахта териб улкан хирмонга ўз ҳиссаларини қўшдилар. Тушлик пайтида пахтакор хотин-қизлар даврасида отинойилар томонидан хотин-қизлар ўртасида соғлом турмуш тарзини тарғиб қилиш: " Мутассибликнинг салбий оқибатлари"тўғрисида, фарзандларни ватанпарвар ва фидоийлик руҳида, ота-онага муҳаббатли ва садоқатли қилиб тарбиялаш борасида, бидъат-хурофотлар ва фолбинларга ишонишнинг зарарли оқибатлари ҳақида маърузалар қилинди.

Ҳаловаттепа маҳалласи Н. Қувондиқова.


Навбаҳор МФЙ "Отабек" ф/х дан Навбаҳор маҳалласи отинойиси С. Ғозиева ва "Келачи" маҳалласи отинойиси М. Жияновалар ҳар бирлари 20 кг дан пахта териб улкан хирмонга ўз хиссаларини қўшдилар.Пахта далаларидаги хотин-қизлар ўртасида "Тинчлик буюк неъмат"," "Шукроналик-инсонийлик фазилати" мавзуларида амру-маъруф қилдилар.
Арабхона маҳалласи отинойиси С. Ғозиева.

Навбаҳор тумани "Оқ олтин" маҳалласида яшовчи боқувчисини юқотган Ҳасанова Мадинанинг ҳовлисига маҳалла хотин-қизлар фаоли Ш. Фозилова билан беш дона мевали кўчатлар экиб чиқдик. Яшил макон умуммилий лойиҳасига ҳиссамизни қўшдик.
Оқ олтин маҳалла отинойиси Хакиева Ойсара.






JAHOLATGA QARSHI MA’RIFAT!
Bugun Konimex tumanida ijtimoiy ma’naviy muhitni sog‘lomlashtirish, diniy bag‘rikenglik hamda millatlararo totuvlikni mustahkamlash yuzasidan "Jaholatga qarshi ma’rifat" nomli ma’naviy-ma’rifiy targ‘ibot tadbiri bo’lib o’tdi.
Targ‘ibot tadbirida Navoiy viloyati hokimining jamoat va diniy tashkilotlar bilan aloqalar bo‘yicha o‘rinbosari E.Mardonov hamda viloyat targ‘ibot guruxi a’zosi, NKMK jamg‘armasi bosh direktorining ma’naviy-ma’rifiy ishlar bo‘yicha maslahatchisi J.Shuxratovlar ishtirok etishdi. Unda ma’rifat va diniy bag‘rikenglik rezolyutsiyasi, millatlararo totuvlik va bag‘rikenglik, shukronalik hamda davlat va din munosabatlari mavzularilarida so‘z yuritildi.
https://t.me/konimex_tumani_hokimligi_axborot_xizmati


24.10.2023йил Конимех тумани бош имом хатибининг хотин-қизлар масалалари бўйича ёрдамчиси Л.Бобоназарова Наврўз мфй да бўлиб, у ерда Наврўз мфй раиси Ғ.Райимқулов, маҳалла хотин-қизлар фаоли А.Карсибекова билан биргаликда "Маҳаллалар таркибида бўладиган оилавий тадбирлар, тўй-ҳашамлар, дафн этиш ва ўтганлар хотирасига бағишланган тадбирларни ўтказиш тартиби, турли бидъат-хурофотлар, ирим-сиримларга чек қўйган ҳолда исрофгарчиликсиз, ихчам ўтказиш", "Аҳоли ўртасида шукроналик туйғуларини кучайтириш", "Оилавий ажримлар, эрта турмуш яқин қариндошлар ўртасидаги никоҳни олдини олиш, сальбий оқибатларини аҳолига тушунтириш" каби мавзуларда ўзаро суҳбат бўлиб ўтди.


Жорий йилнинг 25-октябр санасида Хатирчи туманида отинойлар пахта хашарига чиқдилар. Отинойларимиз жонбозлик билан ҳар -бири 80, 90 кг пахта тердилар. Сағдулло бобо, Расул бобо, фермер хўжалигидан пахта тердик. Хатирчи туман отинойси Раззақова Раъно.



Гулистон махалласи отинойиси Хайруллаева Сиддика"Садулло омон "фермер хужалигидан 30 кг пахта терди.






Жорий йилнинг 25.10.2023 кунида ЎМИ Навоий вилояти бош имом хатибининг Хотин қизлар масалалари бўйича ёрдамчиси У.Холова ўз туғилган қишлоғининг Олчин маҳалласига Пахта йиғим теримига кўнгиллилар сифатида иштирок этдилар. Шу мфйда яшовчи аёллар билан дилдан суҳбатлар олиб бордилар. Суҳбат давомида хотин -қизлар ўртасида соғлом турмуш тарзи тўғрисида, Оналар ўртасида ўсиб келаётган ёш авлодни Ватанга муҳаббатли ва садоқатли, етук инсон қилиб тарбиялаш борасидаги тушунтириш ишлари, эр-хотин, қайнона -келинлар ўртасидаги низолар ҳамда оиладаги ижтимоий-маънавий муҳит барқарорлигига салбий таъсир кўрсатувчи ҳолатларни бартараф этишга қаратилган суҳбатлар ўтказилди. Шунингдек  хотин-қизларимизнинг пахта теримига жалб этиш,  нес нобуд қилмай териб олиш учун ўз ҳиссасини қўшишларини айтиб аёлларни руҳлантириб, уларга бу машаққатли ишларида куч қувват тилаб уларга қўл кремлари эҳсон қилиб кўнгилларини кўтардилар.

ЎМИ Навоий вилоят вакиллиги