Савол: - Ассалому алайкум! Эри рухсатисиз кўчага чиқиш, деганда нимани тушунишимиз керак? Остона ҳатлаб ўтиш, қўни - қўшни ёки бола ўйнатиш учун кўчага ҳа деб рухсат сўрамаймиз. Бунда лаънат ёғилмайдими? 2). Қарзимни бериш учун ўша инсонни қидирдим, лекин тополмадим. 1-2 йил бўлиб кетганди ҳомиладор бўлиб, фарзандлик бўлиб, кўчага чиқолмагандим, энди ўша 1 - 2минг сўм пулни қандай тўласам болади?

Жавоб: – Ва алайкум ассалом! 1). Бунда лаънат ёғилмайди. Эрни шубҳага соладиган чиқишни қилмаслик керак.
2). Қоида: Тез чирийдиган ва айнидиган нарсаларни эгасини кутмасдан фақир мискинга садақа қилиб юборилади. Эгаси топилгач пулини беради. Тез чиримайдиган буюмларни бир йилгача эълон қилиш керак. Ўзи фойдаланиши жоиз эмас. Шунда ҳам топилмаса номидан садақа қилинади, мабодо эгаси топилса пулини беради. Валлоҳу аълам!

«Зикр аҳлидан сўранг» ҳайъати